this post is in alien language.for those who do not understand even a single words,don't be sad. i know you are very excited to read my post.(haha...uwek)
esok ghayo doh.ingak kampung aku.biaso pagi2 ghayo,ghumoh aku mesti ado tupak tigo bucu pastu cicoh denge nise,meme sedaklah.sebelum gi maye ghayo,habih la duo tigo bute.pahtu biasonyo mok aku buak nasik dage denge kuoh kari ike ayo denge aye.pahtu kuih2 sampinge lain lah.keco i liur ceghito pasal makane ni.tapi nok buak gano.dok sini tokleh la nok make bendo2 tu. soh ko nok make tupak,nasi dage,nasi kerabu,air batu pun tok jupo lagi sini.tok sedak la minung air pepsi ko air oren ko takdok air batu.esok ghayo tok tahulah gano.tok beso lagi ghayo tepak oghe ni.denga kato ado sambute skit kat bilik semaye pagi esok.aku bowok jugok kuih ghayo. geng lain pun bowok jugok.pakak2 make la esok.dao senior ajok gi ghayo kat nottingham.tapi tok tahu lagilah sek tu nok gi ko dok.aku ikuk jah.tu lah jo nok ngaruk pagi ni.selamat hari ghayo.
No comments:
Post a Comment